天文台在比賽前幾日,預報比賽當日氣溫只有9度,係渣馬有史以來最凍.但到比賽當日早上就一啲都唔凍.

由於今年渣馬係農曆新年后一星期,所以操練時間比較少,又冇做過30km以上長課(真係一大致命傷害),而每月跑量亦在200km之下,極之少.

所以在跑到32km左右,即係入西隨前就開始有抽筋狀況出現.有幾樣嘢要作出檢討.

1/不應該穿李寧鞋去跑全馬,好傷腳,所以在跑到30km左右,雙腳腕,足弓就非常之痛.
一直跑就一直痛.

2/雖然在開賽前食了2粒騎師咖啡藥,以為15km后才需要食gel. 其實無論點,都要在8-10km左右食gel.而每次飲水都建議至少飲半杯,我今次全部都只飲一口係絕對唔足夠.

3/一開始策略,我係打算全程跟住bun bun.完全無睇手錶info,開頭15km左右,佢嘅速度好平均,但之後佢自己進入咗良好狀態,所以佢自己加速,而我跟住后面亦當然自加速,死咬住bun bun.可能我自己唔係太適應到一開始均速跑之後還可以加速跑,使我失預算.

4/意志力
今次打意志力仗比較失敗.
腳痛加上抽筋,整個人差唔多冇乜鬥志可燃.
幸好最好覺得可以做到sub4,所以最後才能勉強衝返去終點.

總結.
因為以上犯錯,我由32km開始抽筋,尾段幾km只能超慢跑,停下行下,一直拉筋死頂到終點,所以真係浪費了好多時間.

能做到sub4,其實已經好滿意.